កេីតមកជាមនុស្សប្រុសមិនចាំបាច់ តែស្អាត សង្ហារ ឬក៏ឡូយឆាយជាមួយសំភារះនិយម ដេីម្បីអួត នណាម្នាក់នោះទេ សំខាន់គឺត្រូវមានទំនួលខុសត្រូវ ស្មោះត្រង់ ហេីយអាចផ្តល់សុភមង្គល អោយក្រុមគ្រួសារ ហេីយនិងមនុស្សជាទីស្រឡាញ់ នូវស្នាមញញឹមសេីចសប្បាយច្រេីនជាងទឹកភ្នែកគឺគ្រប់គ្រាន់ហេីយ១. តើអ្នកពិតជាយល់ដឹងពីមនុស្សដែលអ្នកស្រឡាញ់គ្រប់យ៉ាង មែនឬ? ឃ្លានឆ្ងាញ់ ស្រឡាញ់ល្អ ។ ពេលដែលស្រឡាញ់មើលឃើញអ្វីសុទ្ធតែល្អ។ អ្នកប្រាជ្ញាម្នាក់និយាយថា ចំពោះមនុស្សដែលយើងស្រឡាញ់ យើងតែងកុហកខ្លួនឯងពីរយ៉ាង ទី១អំពីគុណសម្បត្តិរបស់គេ និងទី២អំពីគុណវិបត្តិរបស់គេ។ គេមានគុណសម្បត្តិមិនគ្រប់គ្រាន់ក៏យើងយល់ថាល្អ គេមានគុណវិបត្តិច្រើនក៏យើងថាមិនអី។ មុននឹងសម្រេចចិត្តថារៀបការជាមួយនរណាម្នាក់ គេត្រូវពិចារណាឲ្យបានហ្មតចត់បំផុត កុំសម្រេចចិត្តឲ្យងាយៗ ដោយផ្អែកលើសេចក្តីស្រឡាញ់តែមួយមុខ។ ត្រង់ចំណុចនេះ ដើម្បីឲ្យការវិនិច្ឆ័យរបស់យើងមិនលំអៀង តោងតែយើងសំអាងលើគំនិត ឬស្តាប់គំនិតរបស់មនុស្សដែលជិតស្និទ្ធនឹងអ្នកដែលយើង ស្រឡាញ់។
២. តើស្នេហាតែមួយមុខគ្រប់គ្រាន់អាចដោះស្រាយបញ្ហាជីវិត គ្រប់យ៉ាងមែនទេ? មនុស្សមួយចំនួនច្រើនយល់ច្រឡំថាឲ្យតែស្រឡាញ់គ្នា គ្រប់គ្រាន់ហើយ រឿងផ្សេងទៀតគង់នឹងដោះស្រាយបាន។ កាលនៅស្រឡាញ់គ្នាថ្មីៗពាក្យនេះហាក់ដូចជាពិតណាស់ តែនៅជាមួយគ្នាយួរៗទៅក្តីស្រឡាញ់ក៏ចុះថយ ថែមទាំងមានសំពាធជីវិតផ្សេងទៀតដូចរឿងលុយជាដើម ភាពរកាំរកូសចេះតែកើនឡើង។ ដូច្នេះ អ្នកគួរយល់ថាស្នេហាគ្រាន់តែជាចំណែកមួយជួយគាំទ្រ ដល់សុភមង្គលតែប៉ុណ្ណោះ។
៣. តើមនុស្សយើងអាចនឹងកែប្រែបានក្រោយពេលរៀបការរួចមែនទេ? អ្វីដែលក្លាយជាទម្លាប់ហើយគឺពិបាកនឹងកែ។ កុំគិតថាគូគ្រងរបស់អ្នកអាចនឹងកែប្រែទាំងស្រុងទៅ តាមផ្លូវដែលអ្នកគិតឲ្យសោះ។ មុននឹងសុខចិត្តរៀបការ គួរសួរខ្លួនឯងថា តើចំណុចមិនល្អទាំងឡាយនោះ អ្នកអាចទទួលយកបានទេ។
៤. ខ្ញុំរៀបការជាមួយគេ មិនមែនរៀបការជាមួយក្រុមគ្រួសាររបស់គេទេ...។ តើអ្នកពិតជាត្រូវរស់នៅតែពីរនាក់ជាមួយគេដោយមិន រវល់នឹងឪពុកម្តាយសាច់ញាតិរបស់គេមែនទេ? បើអ្នកមានគំនិតបែបនេះ អាចជាកំហុសឆ្គងមួយ អ្នកនឹងរកសុភមង្គលមិនបានទេ។ ចូរសួរខ្លួនឯងនូវសំណួរដ៏ខ្លី តើអ្នកអាចកាត់ផ្តាច់ពីឪពុកម្តាយរបស់អ្នកទាំងស្រុង បានទេ? ពិតជាមិនបាន។ ដូច្នេះទាំងអ្នកទាំងគេសុទ្ធតែមិនអាចកាត់ផ្តាច់ពី គ្រួសារចាស់បាន។
៥. រៀបការហើយមនុស្សពីរនាក់ក្លាយជាមនុស្សតែមួយមែនទេ? យើងមិនអាចឃុំគ្រងមនុស្សម្នាក់ ឲ្យចំណាយពេលវេលា ឬធ្វើអ្វីៗគ្រប់យ៉ាងទៅតាមសេចក្តីត្រូវការរបស់យើង ឬស្របតាមយើងគ្រប់យ៉ាងបានទេ។ មនុស្សម្នាក់ៗត្រូវតែមានពេលវេលាផ្ទាល់ខ្លួន និងជិវិតឯកជនរបស់ខ្លួន។ ដើម្បីសុភមង្គល អ្នកទាំងពីរត្រូវចេះផ្តល់តម្លៃឲ្យគ្នា និងគោរពគ្នាទៅវិញទៅមក។
ប្រភព៖Visiting Cambodia Now
CASINO ROAD, CASINO, GAMELINE | MapyRO
ReplyDeleteWelcome to CASINO ROAD, 군포 출장마사지 CASINO, GAMELINE. 3131 Las Vegas Blvd. South Las Vegas, 남원 출장마사지 NV 89109. Get Directions · (702) 298-1000. Call 김제 출장샵 Now · More 하남 출장마사지 Info. Hours, Accepts 인천광역 출장안마 Credit Cards, Accepts